ខ្សែបម្រើ Jame Rodriguez របស់ Real Madrid បានសារភាពថា គាត់អាចនឹងចាកចេញពីក្លិបនៅពេលបើក រដូវកាលដោះដូរកីឡាករក្នុងខែមករានេះ ។
កីឡាករសញ្ជាតិកូឡុំប៊ីរូបនេះ ត្រូវបានគេគិតថាអាចនឹងផ្ទេរទៅលេងនៅក្របខ័ណ្ឌ Premier League ក្រោយពីបាត់បង់ឱកាសក្នុងបង្ហាញខ្លួនរហូតមក ក្រោមការដឹកនាំរបស់អ្នកចាត់ការថ្មីរបស់ Real Madrid លោក Zinedine Zidane នៅកីឡដ្ឋាន Bernabeu ។
ខ្សែបម្រើវ័យ២៥ឆ្នាំរូបនេះ បានផ្ទេរទៅក្របខ័ណ្ឌយក្ស La Liga ក្រោយពីបង្ហាញទម្រង់លេងដ៏អស្ចារ្យ កាលពី World Cup 2014 ប៉ុន្តែត្រូវបានមើលរំលង ស្របពេលមានការពេញចិត្តលើកីឡាករ Isco មកទល់ពេលនេះ ។
Chelsea, Manchester United និង Arsenal បានបង្ហាញចំណាប់អារម្មណ៍លើកីឡាករបង្កើតឱកាសរូបនេះ ហើយគាត់ក៏បានសារភាពថា មានសំណើរដោះដូរជាច្រើនសម្រាប់រូបគាត់ផងដែរ ដែលអាចនឹងចាកចេញពីទីក្រុង Madrid ក្នុងខែមករានេះ ។
"ខ្ញុំមិនអាចធានាថា នឹងបន្តនៅ Real Madrid តទៀត ឬអត់នោះទេ បន្ទាប់ពីរដូវកាលដោះដូរកីឡាករខាងមុខនេះ ៉ James បានប្រាប់អ្នកសារព័ត៌មាន ក្រោយពេល Real Madrid លើកពាន Club World Cup ។
"ខ្ញុំមានសំណើរជាច្រើន ហើយខ្ញុំមានពេលមួយអាទិត្យសម្រាប់ពិចារណា" ។
អត្ថបទ៖ អធិរាជស
0 comments:
Post a Comment