ស្ងាត់ៗ ធារី ចន្ថាប៊ីន អាចនឹងទៅលេងនៅក្លិបថៃ Krabi FC

បន្ទាប់ពីបញ្ចប់កិច្ចសន្យា ជាមួយភ្នំពេញក្រោន ធារី ចន្ថាប៊ីន នៅមិនទាន់មានក្លិបណាមួយ ដើម្បីបន្តអាជិព នៅឡើយទេ ។

រូបថត ធារី ចន្ថាប៊ីន ក្នុងក្រុម Krabi FC

អតីតខ្សែបម្រើភ្នំពេញក្រោន និងក្រុមជម្រើសជាតិកម្ពុជារូបនេះបានប្រកាសចែកផ្លូវពីក្លិបដែលធ្លាប់រួមអាជិព អស់រយៈ៤ឆ្នាំ ហើយក៏មិនទាន់មានក្លិបថ្មីណាមួយឡើយ។ ប៉ុន្តែទោះជាយ៉ាងណា នៅពេលថ្មីៗ មានពាក្យ ចរចាមអារ៉ាមថា ធារី ទំនងជាអាចទៅលេងនៅក្លិប Krabi FC នៃលីករបស់ប្រទេសថៃ ។

ងាកទៅមើលទំព័រហ្វេសបុករបស់ថៃមួយ ក៏បានបង្ហោះពីសកម្មភាពហ្វឹកហាត់របស់ក្រុម Krabi FC ផងដែរ ដែលក្នុងនោះក៏មានកីឡាករខ្មែរ ដែលគេអាចស្គាល់ថា ធារី ចន្ថាប៊ីន ។

ទោះជាយ៉ាងណា នេះគ្រាន់តែជាសកម្មភាពហ្វឹកហាត់ ឬក៏ធ្វើតេស្តតែប៉ុណ្ណោះ ហើយក៏មិនទាន់ដឹងពីព័ត៌មានពិតណាមួយឡើយ មានតែរង់ចាំចម្លើយផ្ទាល់ពីសាម៉ីខ្លួននោះទេ ៕

អត្ថបទ៖ អធិរាជស