Ronaldo ឈ្នះពាន Ballon d'Or លើកទី៤ ក្នុងអាជីពបាល់ទាត់របស់ខ្លួន

Ronaldo ឈ្នះពាន Ballon d'Or លើកទី៤

ខ្សែប្រយុទ្ធឆ្នើមរបស់ Real Madrid តាមប្រកៀកជាមួយគូប្រជែងរបស់ខ្លួន Lionel Messi បន្ទាប់ពីទទួលបានពាន រង្វាន់ដ៏វិសេសនៅឆ្នាំ២០១៦នេះ តាមរយៈការជួយក្រុមរបស់គាត់ឈ្នះពាន់ UEFA Champions League ហើយក៏ជួយប្រទេសរបស់គាត់លើកពាន European Championships (EURO2016) ផងដែរ ។

Ronaldo លេងឱ្យក្រុម Manchester United ចន្លោះពីឆ្នាំ ២០០៣ រហូតដល់២០០៩​ ហើយនៅតែជា ប្រិយមិត្តម្នាក់នៅ Old Trafford បន្ទាប់ពីបានជួយបិសាចក្រហមឱ្យទទួលបានជោគជ័យជាច្រើន ក្នុងអំឡុង ពេលនៅអង់គ្លេស ។

ខ្សែប្រយុទ្ធវ័យ៣១ឆ្នាំរូបនេះ បានចាកចេញពីក្រុមបិសាចក្រហម ទៅកាន់ក្រុម Real Madrid ដោយតម្លៃ ខ្លួនឯកត្តកម្មពិភពលោក ក្នុងរដូវក្ដៅកាលពីឆ្នាំ២០០៩ ហើយបានបន្តអភិវឌ្ឍន៍ខ្លួនឯងក្លាយជាកីឡាករល្អ បំផុតម្នាក់នៃជំនាន់របស់ខ្លួន ។

Ronaldo បាននិយាយកាលពីយប់មិញថា៖ ពិតជាកិត្តិយសដ៏អស្ចារ្យណាស់ ដែលទទួលបានពាន Ballon d'Or ជាលើកទី៤ ។ អារម្មណ៍នេះគឺដូចជាលើកដំបូង វាគឺជាសុបិនក្លាយជាការពិតម្ដងទៀត ។

Ronaldo បានឈ្នះពាន Ballon d'Or លើកដំបូងកាលនៅ Manchester United ក្នុងឆ្នាំ២០០៨​ ហើយ ឥឡូវនេះ តាមពីក្រោយ Messi តែមួយប៉ុណ្ណោះ ៕

ប្រភព៖ Man Utd news